Mastercard-ი ციფრული ვალუტის ინტეგრაციას გეგმავს

 MasterCard–მა კრიპტოვალუტების მხარდაჭერის გეგმის შესახებ ინფორმაცია გაავრცელა. 

2021 წელს კომპანია ერთ მილიარდამდე მომხმარებელს საშუალებას მისცემს დახარჯოს კრიპტოვალუტა 30 მილიონზე მეტ სავაჭრო ობიექტში. თუმცა, ამ ეტაპზე, ცნობილი არ არის რომელი კრიპტოვალუტა იქნება მხარდაჭერილი. მიუხედავად იმისა, რომ გლობალური გადასახადების გიგანტმა განაცხადა, რომ აპირებს სტაბილური მონეტების მხარდაჭერას, მათი საიმედოობისა და უსაფრთხოების გამო, Mastercard–მა კონკრეტული კრიპტოვალუტების დასახელებისგან თავი შეიკავა. 

MasterCard– ის განცხადებაში ასევე ნათქვამია, რომ მომხმარებლებს შორის იზრდება ციფრული ვალუტის მოთხოვნა. 

”ციფრული აქტივები ხდება საგადახდო სამყაროს უფრო მნიშვნელოვანი ნაწილი. შესაბამისად, საქმე ეხება არჩევანს: MasterCard-ი არ არის იმისთვის შექმნილი, რომ გირჩიოთ კრიპტოვალუტების გამოყენება. თუმცა ჩვენ აქ ვართ, რათა მომხმარებლებს, სავაჭრო ობიექტებს და ბიზნესს კრიპტო სექტორში ინტეგრაცია შეეძლოს”,-აღნიშნულია განცხადებაში. 

ამასთან, Mastercard–ი მომხმარებელს ოთხ ძირითად კრიტერიუმს სთავაზობს, რომლის მიხედვითაც იგი შეაფასებს სავარაუდო აქტივებს. ეს კრიტერიუმებია: მომხმარებელთა ძლიერი დაცვის სისტემა, მათ შორის კლიენტთა კონფიდენციალურობისა და უსაფრთხოების, KYC–ის მკაცრი დაცვა, ადგილობრივი კანონებისა და რეგულაციების გათვალისწინება. 

MasterCard–მა ასევე აღნიშნა, რომ იგი აქტიურად თანამშრომლობს მსოფლიოს რამდენიმე მთავარ ცენტრალურ ბანკთან სტაბილკოინის მხარდაჭერის მიზნით. 

ამასთანავე, MasterCard–მა უკვე გამოყო მნიშვნელოვანი რესურსები, განაწილებული ლეჯერ ტექნოლოგიის შესასწავლად. ამჟამად კომპანიას აქვს 89 Blockchain პატენტი. 

შეგახსენებთ რომ, გასულ წელს, კომპანიამ გამოუშვა ციფრული “სავარჯიშო ინსტრუმენტი” იმის დემონსტრირებისთვის, თუ როგორ შეიძლება გამოყენებულ იქნას სტაბილკოინი MasterCard-ის ინფრასტრუქტურის გამოყენებით.

cryptoworld.ge

ბიტკოინის საბაზრო კაპიტალიზაციამ რუსული რუბლის მთლიან საბაზრო ზღვარს გადააჭარბა

 ციფრული ვალუტის საბაზრო კაპიტალიზაცია მნიშვნელოვნად გაზრდილია.

მას შემდეგ, რაც 9 თებერვალს ბიტკოინმა კვლავ მიაღწია ბოლო დროის ყველაზე მაღალ მაჩვენებელს და 48.000 დოლარი შეადგინა, ბიტკოინის საბაზრო კაპიტალიზაციამ რუსული რუბლის მთლიან საბაზრო ზღვარს გადააჭარბა.

 AssetDash– ის მონაცემებით, ბიტკოინის საბაზრო ზღვარი 871 მილიარდი დოლარია. ეს აღემატება რუსული რუბლის ფულის მასას, რომელიც იანვრისთვის შეფასებული იყო 58,6 ტრილიონი რუბლად, რაც დოლარებში 791,1 მილიარდი იქნება. კრიპტოვალუტამ Tesla Motors-საც გაუსწრო საბაზრო კაპიტალიზაციაში. ავტომობილების მწარმოებლის საბაზრო ზღვარი 813 მილიარდია, რაც 1,8%-ით დაეცა ბოლო 24 საათის განმავლობაში. 

რამდენიმე დღის წინ Tesla-მ შეიძინა 1.5 მილიარდი ერთეული ბიტკოინი. ამ ფაქტმა ბიტკოინზე იქონია გავლენა და მისი ღირებულება ერთ ღამეში გაიზარდა. თუმცა ამის შემდეგ მოხდა დარეგულირება და ბიტკოინმა ისევ გაუსწრო Tesla-ს და Facebook-ის საბაზრო ღირებულებასაც. 

ამჟამად კვლავ ჩინეთის მრავალეროვნული კონგლომერატი, Tencent-ი ლიდერობს, რომლის საბაზრო ღირებულება 911 მილიარდ დოლარს შეადგენს.

cryptoworld.ge

ეთერიუმის ქსელში შესაძლოა, ახალი ვალუტა გამოჩნდეს

ეთერუმის ბაზარზე დამყარებული მიწოდების ქსელები, რომლებიც გაზმომარაგებას უკავშირდება, უახლოეს მომავალში მნიშვნელოვნად შეიცვლება.

ეს კი მოხდება მაშინ, როდესაც ახალი ღირებულების ციფრული ვალუტის (EIP-1559) დამტკიცება მოხდება. აღნიშნული გამოიწვევს ეთერუმის მოხმარების ზრდას და საერთო დინამიკის აჩქარებას, რაც ფასისათვის შეიძლება ცვლილების მიზეზი გახდეს.

Grayscale–ის მოხსენებაში, ეთერიუმის შეფასებისას, კომპანიამ განიხილა ახალი კრიპტოვალუტის როლი ეთერიუმის ეკოსისტემაში, როგორც „სახარჯო საქონელი“. მოხსენებაში ნათქვამია, რომ EIP-1559– ს გავლენა შეიძლება ჰქონდეს ქსელის ეკონომიკაზე.

ინივიატივა ეკუთვნის ეთერუმის დამფუძნებელს, ვიტალიკ ბუტერინს და Ethhub-ის თანადამფუძნებლეს, ერიკ კონერს. მათ 2019 წლის აპრილში აღნიშნული საკითხი საჯარო განხილვის საგნად აქციეს. მათ მტკიცებულებები წარადგინეს, სადაც ნათლად ჩანს, რომ წარმოებისა და მოხმარების შეუსაბამობა ანუ მიწოდება და ხარჯვა მკვეთრად ცდება ხოლმე ერთმანეთს, რაც მომხმარებლისთვის ეთერიუმს ნაკლებადმიმზიდველ ბუნებრივი აირის გადასახადად აქცევს.

ახალი ინიციტიავა კი მაქსიმალურად არეგულირებს დინამიკას, რომლის მიხედვითაც ეთერუმის მარაგი ყოველთვის იქნება მომხმარებლებისათვის.

Cryptoworld.ge

 

Coinbase-მა Routefire-ის პლატფორმა შეიძინა

 

კრიპტოვალუტის უდიდესმა ბირჟა Coinbase–მა Routefire-ის პლატფორმა შეიძინა.

Routefire-ის აღმასრულებელმა დირექტორმა, ჯეისონ ვიქტორმა ბლოგზე დაწერა, რომ გუნდი ახლა განავითარებს Coinbase-ის სერვისებს, ხოლო მომხმარებლებს მადლობას უხდის ბოლო სამი წლის განმავლობაში არსებული მხარდაჭერისა და ნდობისთვის.

Routefire-მა საქმიანობა 2017 წლის ბოლოს დაიწყო. პლატფორმის მისია იყო სავაჭრო ინფრასტრუქტურის კრიპტო ბაზარზე გაფართოვება.

Routefire-მა შექმნა პროდუქტი, რომელიც ტრეიდერებს საშუალებას აძლევს ავტომატურად მოძებნონ ლიკვიდურობის მრავალი წყარო, რათა იპოვონ ყველაზე ხელსაყრელი განაკვეთები როგორც ფასებზე, ასევე გადასახადებზე.

ამ ნაბიჯის შემდეგ, Routefire-ის გუნდი Coinbase-ისთვის ინსტრუმენტებისა და მომსახურების პაკეტს შეიმუშავებს.

ბოლო ერთი წლის განმავლობაში Coinbase–მა არაერთხელ მიიპყრო მედიის ყურადღება.

ამასთანავე, აღსანიშნავია, რომ კრიპტოვალუტის ბირჟის შესახებ გავრცელებული ნეგატიური ინფორმაცია ბიტკოინის არასტაბილურ სავაჭრო დღეებს ემთხვეოდა, რის გამოც მოვაჭრეები აღშფოთებულები იყვნენ, რადგან ისინი პოტენციურ მოგებას კარგავდნენ.

Routefire-ის შეძენა და მისი სავაჭრო გამოცდილება გარკვეულწილად ხელს შეუწყობს ამ მხრივ ნდობის აღდგენას.

cryptoworld.ge

2021 წელს თურქეთი სტაბილკოინის ტესტირებას აანონსებს

ინფლაციის ფონზე თურქეთი ცენტრალური ბანკის მიერ გამოშვებული ციფრული ვალუტის ტესტირებას აანონსებს.

მიუხედავად იმისა, რომ განცხადება მოულოდნელი აღმოჩნდა, ციფრული ლირა 2019 წელს შეიქმნა. ამჟამად ქვეყანა სამომხმარებლო ფასების ზრდასა და ინფლაციას განიცდის.

თურქეთის ცენტრალური ბანკის მმართველის, ნაცი აგბალის განცხადებით დასრულდა ”კონცეპტუალური” კვლევა თურქეთის ცენტრალური ბანკის ციფრულ ვალუტაზე და ასეთი ვალუტის პრაქტიკული ტესტირება 2021 წლის მეორე ნახევარში დაიწყება.

”ციფრული ფულის შესახებ ინიცირებულია R&D პროექტი. ამჟამად ამ პროექტის კონცეპტუალური ეტაპი დასრულებულია. ჩვენი მიზანია 2021 წლის მეორე ნახევარში საპილოტე ტესტების დაწყება”,-აღნიშნა ნაცი აგბალიმ.

თურქეთი ციფრულს ლირას ჯერ კიდევ 2019 წლიდან იკვლევს.

თურქეთის პრეზიდენტი, რეჯებ ტაიფ ერდოღანი კი ირწმუნებოდა, რომ ჯერ კიდევ 2020 წლის ბოლოს დასრულდებოდა ციფრული ლირას კვლევა.

თუმცა არსებულმა პანდემიამ პროცესების ამ გრაფიკში მოსწრებას ხელი შეუშალა.

შესაბამისად, ცენტრალური ბანკის მიერ გამოშვებულმა ციფრული ვალუტის დატესტვის თარიღმა 2021 წლამდე გადაიწია.

cryptoworld.ge
 

Quantum Economics–ის დამფუძნებელი: ბიტკოინის ფასი შეიძლება 23,800-დან 1 მილიონ დოლარამდე გაიზარდოს

 

მეთ გრინსპანი აცხადებს, რომ ბიტკოინის ზრდა მხოლოდ ახლა იწყება.

”არსებობს აშკარა შესაძლებლობა, რომ ჩვენ შეიძლება რამდენიმე დღის განმავლობაში დავინახოთ 250% -იანი მოგება, ან კიდევ მეტიც”,- განაცხადა Quantum Economics–ის დამფუძნებელმა.

დღეს გამოქვეყნებულ განცხადებაში, Quantum Economics–ის დამფუძნებელი აცხადებს, რომ ბიტკოინის ბოლოდროინდელი აქცია 23000 დოლარს აჭარბებს. ერთ კვირაში დაახლოებით 29%–იანი მოგება სულაც არ ნიშნავს, რომ ბაზარი “გადახურდა” და ისეთი პოზიციისკენ მიემართება, როგორიც იყო 2017 წლის დეკემბერში.

”ჩვენი აზრით, ყველაფერი ახლა იწყება. ჩვენ ალბათ არ უნდა გამოვიყენოთ ძველი მეთოდები, როდესაც საქმე ეხება იმის განსაზღვრას, თუ რა სახის პროცენტული მოგებაა შესაძლებელი. თუკი მოთხოვნა გააგრძელებს მსგავსი ტემპით ზრდას და მომარაგება გააგრძელებს შეზღუდვას, არსებობს აშკარა შესაძლებლობა, რომ შეიძლება ვიხილოთ რამდენიმე დღის განმავლობაში 250%-იანი მოგება, ან კიდევ მეტი”,- აღნიშნა მეთ გრინსპენმა.

მან თქვა, რომ პლანეტაზე არ არსებობს ადამიანი, ვისაც შეეძლება პროგნოზირება მოახდინოს, როდის შეიცვლება ბიტკოინის ფასი, მაგრამ კურსი ნებისმიერ დროს შეიძლება 23,800-დან ერთ მილიონ დოლარამდე გაიზარდოს.

cryptoworld.ge