კვლევაში გათვალისწინებულია ისეთი ფაქტორტები, როგორიცაა ელექტროენერგიის ღირებულება, განახლებადი ენერგორესურსების არსებობა, ინტერნეტის საშუალო სიჩქარე და კლიმატური პირობები. მსოფლიოს ლიდერი ქვეყნების უმრავლესობა, საკმაოდ ფრთხილად უყურებს ვირტუალური ფულს. თუმცა, ყველა აღიარებს, რომ ამ ეტაპზე უკვე მომწიფდა შესაბამისი კანონმდებლობის მიღების აუცილებლობა, რადგანაც ეს სფერო რეგულირებას საჭიროებს.
ელექტროენერგიის ფასი და ჰაერის ტემპერატურა მთავარი ფაქტორებია კრიპტოვალუტის მოპოვებისთვის, ისევე, როგორც განახლებადი ენერგორესურსები და ინტერნეტის სიჩქარე. გარდა ამისა, მნიშვნელოვანი პირობაა ბიზნესის წარმოების სიმარტივე და გამჭირვალობა, რაც დიდწილად დამოკიდებულია კრიპტოვალუტების და ციფრული ეკონომიკის დანერგვაზე სახელმწიფოში.
ყველა ამ ფაქტორის გათვალისწინებით, კრიპტოვალიტის მოპოვებისთვის არსებული პირობების მიხედვით, მსოფლიო ლიდერები აღმოჩდნენ არგენტინა, კანადა, ჩინეთი, შვეიცარია, და განსაკუთრებით ისლანდია, რომელიც 100%–ით ეკოლოგიურად სუფთა და განახლებად წყაროებიდან მიღებულ ელექტროენერგიას მოითხოვს, რომელიც ყველაზე იაფია მსოფლიოში ($35 – 1 მგვტ.სთ.).
ექსპერტების შეფასებით, საქართველოში საკმაოდ იაფი ელექტროენერგიაა - $47,7 – 1 მგვტ.სთ. და ძალიან მაღალია, განახლებადი ენერგიის წილი ენერგობალანსში - 75%.
კრიპტოვალუტის მაინინგში ყველაზე ცუდი მაჩვენებლები აქვს ავსტრალიას, სადაც კრიპტოვალუტების მოპოვება ძალიან რთულია - ამის მიზეზებია ძალიან ძვირი ელექტროენერგია (129 დოლარი 1 მვტ) და ცხელი კლიმატი. ძვირადღირებული ენერგიის და შესაბამისად, მაინინგისთვის არახელსაყრელი ქვეყნების სიაში შევიდნენ უგანდა, იაპონია და დიდი ბრიტანეთი.
რეიტინგში ასევე მოხდვა რუსეთიც, რომელიც მე-11 პოზიციას იკავებს. ქვეყნის უპირატესობა კრიტპოვალუტების მაინერებისთვის არის იაფი ელერქტროენერგია – $47 – 1 მგვტ.სთ. Bloomberg-ის შეფასებით, ინვესტორები მთელ მსოფლიოში ეძებენ საუკეთესო პირობებს კრიპტოვალუტების მაინინგისთვის და საქართველო არის ამ რბოლის ერთ-ერთი ფავორიტი - იაფი ენერგიით და ბიზნესის წარმოების კარგი პირობით.
m2b.ge
მსგავსი სიახლეები:
ბიტკოინის მაინერებით საქართველო მსოფლიო ტოპ სამეულშია
No comments:
Post a Comment